花月庭 (已結業)

见广告话转做芒果promotion所以又book咗一次食呢间嘢，今次唔知系因为人流比上次多定还是啲食物真系比上次少？ 烧牛肉一出就冇晒，终于等到第二转前面有个先生叫阿姐切厚啲，我喺后面见到前面𠮶啲全部都切到劲薄歪离歪斜，到我𠮶阵时我问阿姐可唔可以畀多块我？佢即时黑我面，砌完之后 求其拮落只碟度劲似喺垃圾堆中摷出嚟， 其实上次食评我已经讲过呢个位啲职员，当日个男服务员又系咁嘅态度结果今日转咗个女人态度都冇变。到食甜品，蛋糕好吸引但系味道一般，说好的芒果主题劲少。有个食客攞蛋糕唔知系佢攞得慢定咩原因？个侍应要攞走个盘refill，但人哋都未夹完佢就已经拎起个盘 结果人哋出声话佢，个侍应又即刻黑面， 其实想问下花月庭的服务员有冇接受training嘅呢？今日因为冇嘢好食所以冇影到相。