梨滿園韓國料理 (已結業)

好耐冇食炸鸡啦，本身想黎食90分钟任食炸鸡放题，但系店员都有推介，原来而家加多几十蚊就可以试埋佢另外一个新推出嘅放题，有得食埋韩式芝士拉鸡，韩式紫菜包饭，又或者人参鸡汤芝士紫菜饭。听落都几抵而且可以食多款韩式菜。炸鸡总共有五款，味道分别有姜葱、甜辣、芝士、蜜糖、秘制酱油味。一开始会一次过上晒啲五款味道嘅炸鸡，再续碟嘅时候就可以选择你想要嘅味道。个人来讲最钟意系蜜糖同埋芝士炸鸡，真系同喺韩国食到嘅味好似！炸鸡全部都炸到好香口。其他韩式菜式，鸡蛋卷，拉丝芝士鸡，呢度比嘅芝士比得一啲都唔吝啬，全部都可以拉丝好长！最特别就系佢个人参鸡汤，一开始会一大煲，入边仲有成四只鸡，非常足料，食完啲鸡之后，就可以落饭、紫菜、芝士落去煲粥咁样食。呢度嘅店员亦都好友善，会介绍一下菜式嘅食法，十分贴心。