三滝 (已結業)

相信系女生嘅口中，365日都会系减肥嘅日子，然后呢一个月就系我嘅减肥日。所以特别系夜晚嘅时候我都会拣番啲比较轻量嘅嘢食，但系轻量得来又饱肚又唔会太肥嘅，我就觉得寿司会系不错的选择。今日见完客经过呢一到，虽然佢嘅铺头比较不起眼，但系入边嘅食物的确不错。净系鱼生饭起码有二十几30个款可以俾我拣，净系企喺度睇个餐牌，我都足足选左10分钟。今日我就拣咗p5呢一个寿司丼，入边会有三文鱼，剑鱼腩，油金鱼，吞拿鱼仲有埋三文鱼子。一种刺身都有两件，而且佢嘅厚薄适中，食落非常之鲜甜，特别系佢𠮶块剑鱼腩，平时其实我唔系好钟意食，觉得好会有一阵草青味，但系呢一度食落去非常之甘香油脂分泌刚好。另外就叫咗一个炸猪扒，朋友都好钟意食，成日食炸猪扒，钟意拒脆卜卜嘅感觉。呢一度都做到十分之脆，系松脆，而且有咬入去个猪扒唔会好干身，仲要系即叫即制，全人手制作，唔系买啲货返嚟炸，所以等候需时啊。夜晚来呢度食特别抵，拣一个鱼生饭另外再拣多一个熟食，再加埋精选嘅刺身，再加小食，再加埋沙律菜同埋面豉汤＄200都唔使，平过一碟8蚊𠮶d，收工过嚟食一流。