宏 (已搬遷) 新店位置

抹茶控又要出动喇，之前听过朋友提起过呢间，今日刚巧出黎TST，办完正事就食埋Dinner先返家。开系The One商场入面，装潢既质素无须质疑，整体洁净，明亮光鲜，几舒适。除左一般既定食主菜套餐外，最重点一定系各式各样既甜品，款式超级多，但呢版抹茶甜品就系重点推介。差唔多次次食亲日本野都会食吉列猪扒，炸粉够薄，黏得住猪扒而唔会皮肉分离，肉都够厚，肉质okay但稍欠肉汁，整体合格。海澡乌冬都几有特色，质感够爽弹而唔会有粉粉既感觉，搭配清甜酱油汤底，味道唔会太抢，清清地唔错!跟餐仲有个抹茶小蛋卷，单点的话要$15，内到外由抹茶cream/ 抹茶蛋糕/ 抹茶粉所组成，质感松软creamy，抹茶清甜不涩，味道唔太浓，饭后食岩岩好。天气甘热饮沙冰一流，抹茶浓度属中级，味道唔甜，唔会觉得好似饮紧糖水甘，反而更为著重于茶味rather than甜度，减肥人士都不感罪过。为今晚带黎完美句号，三块抹茶窝夫加炼奶，窝夫夹心全都系抹茶，茶味浓而香甜，加多少少抹茶雪糕夹黎食，真系超级满足啰! on side仲有块香脆既抹茶曲奇同栗子酱。