漢堡王 (已結業)

Burger King成为优秀食店，食满五十蚊仲可以送新地。我当然唔会错过啦，但点样先可以食满五十蚊呢？我就要个芝士烟肉汉堡加大，加多块芝士同一块汉堡肉。芝士烟肉汉堡依旧好食，个包好够热。而且相当足料，有生菜、蕃茄、洋葱、牛肉等既材料。而牛肉好juicy，唔会整到好干。而烟肉就好脆口，当然生洋葱味最正啦。整体上，个包系好好食，一定会再食。薯条虽然同M记既一样大细，但九成既薯条都好脆口，无乜边条系淋。香滑奶茶得个讲字，就算个茶包一路浸杯茶到，但茶味一都无浓到。个色就好似港式奶茶，但味就差得远啦。令我想起以前M记用茶包奶茶既味道。朱古力新地好食过M记，雪糕好够奶味。而朱古力就好浓，一定有下次。我最钟意既burger一样咁好食，实有下次既。另外，好耐之前食细华堡餐都有新地送架，真系好抵食。