花楽 (翩滙坊) (已結業)

蟹籽沙律($128)，食主菜前点一份沙律有助醒一醒胃，青瓜丝好爽口，而且配埋蟹籽增加不少口感。鸡泡鱼干($128)，令我喜出望外，坊间食到既鸡泡鱼干都好硬好难咬开，今次厨师烧得唔错，口感软腍易咬，食到边位有少少焦香，鸡泡鱼干带有少少甜味，应该面层涂上左蜜糖，旁边酱汁系蛋黄酱。四色鸡肉串($138)，有四种不同酱汁就有四种不同味觉享受，个人最钟意黑松露味，因为最为浓郁，而且比较少食到哩种配搭，其次系蜜糖味，原来酱汁混入左芥末，好食。寿司盛八贯($388)，8款鱼生里面各自有自己独特既口感，最爽口系蜜柑鲷，最有口感层次丰富既系金鳝鲷和伊佐木因为连有鱼皮，樱鳟原来系三文鱼类其中一种，带子表面加上柚子碎，鲜甜既带子配搭柚子既清新，两者都几夹。牛肉稻庭乌冬($98)，上菜后见到牛肉带有少少粉红色，即系未完全熟，牛肉采用薄切，就系为左让牛肉可以在汤里面既温度去煮熟，咁牛肉食落既口感就唔会过韧，仲有另一点就系可以让牛肉容易一d吸收汤汁既味道。