龍德樓 (已結業)

之前已经想同朋友去佢屋企附近呢间中菜厅到食饭，可惜依家冇左晚市堂食，所以我地就点左外卖返屋企慢慢叹。餐厅有好吸引既煲仔饭，岩哂冬天。买完外卖，准备返屋企开餐啦！朋友食素，所以我地点左个上素煲仔饭，煲仔饭入面有好多样菜，有豆腐、茄子、菇、黑木耳等，好丰富，重点系非常健康。我地仲点左豉汁带子蒸豆腐，豆腐好滑，带子大大粒，而且好鲜甜，正！仲有好滋补既鲍鱼花胶尚品煲，呢个煲真系真材实料！冬天当然要饮返碗炖汤啦，我地点左黑蒜炖螺头同埋杏汁菜胆炖白肺，白肺汤颜色好奶白，可见白肺清洁得好干净。