人生有限杯.串燒店

营业中

休息中

入到去好好有feel，日式装潢加炭烧香味，好正。串烧$10串起，唔贵，样样都好味。香嫩盐烧和牛小排、香烤肉味嘅韩风烧牛肋肉、炭烧中带清新嘅黑松露豚肉芦笋卷、盐烧荔枝卷、豚肉秋葵卷、香甜惹味嘅免治鸡肉棒（配日本蛋）系今晚冠军。食食下口喝揾杯野饮，都唔贵，好似百香果柠檬茶、茘枝柠檬梳打，呢啲特饮级大杯好饮都只系$28。望望其他串烧选择一d都唔普通：鸡脚筋、盐烧芥兰头、超香甜蜜糖烧菠萝等等，都系少见嘅调味或食物。小食当中，食左蒜蓉菜圃烧广岛蚝最抵食，$48/2，大只厚肉。而招牌嘅流心蛋薯仔沙律，可算是食过最好味，蛋甜味薯仔味好出。我谂钟意食手抓饼都一定会钟意呢间餐厅嘅出品，即整酥皮香葱味浓。