醒辰冰室 (東匯坊)

营业中

休息中

今日嚟到位于鲗鱼涌附近嘅醒辰冰室食饭，餐厅虽然啱啱新开无耐，但我见到今晚都几多人嚟食。餐厅嘅价钱定位非常之亲民，平均六七十蚊都可以食到一个晚饭。龙虾浓汤龙虾汤入口唔会太过咸，仲有虾嘅鲜甜味。周打鱼汤呢个汤入口味道冇龙虾汤咁浓，啱晒唔想食咁浓味嘅人。芝士焗澳洲带子带子又大又鲜甜，连埋焗熔咗嘅芝士一齐食，真系好滋味。烤法国春鸡春鸡外皮又香又脆，皮下脂肪又唔会太过多，鸡肉经过调味之后变得非常之入味。北寄贝蘑菇白酒汁意粉白酒汁入口亦都唔会太过肥腻，连埋北寄贝一齐食，有淡淡的北寄贝鲜味。整体来讲，餐厅嘅定价够晒平，食物分量又大又抵食，唔怪之得咁多人嚟食。