圓山台灣料理 (已結業)

呢间台湾菜好特别，有埋点心可以叫。一开始食无太大期望，因为乜都有通常都系比较平凡，但呢间餐厅啲台湾菜真系好食既。我地一开始叫左个皮蛋豆腐做前菜，佢有好多肉松，因为我好钟意食肉松，所以真系好钟意个前菜，而皮蛋同豆腐都系好夹。然后叫左个三杯鸡做主菜，个三杯鸡啲肉坚嫩，同埋唔会太浓味，真系唔使食饭，斋食𩠌都可以，咁当然佢都有少少油既，不过啲油系晒底，面个层唔油，呢个好食。上面两个可以唔食，但个炒蚬真系好正，我系第一次食到咁鲜甜既蚬，仲要啲蚬既份量好多，食极都系个壳度，啲千层塔既味好浓，可能因为咁对比到啲蚬仲鲜，停唔到真系佢地叫个菜做炒A菜，好彩有图片，如果唔系都唔知系乜，其实系蒜蓉炒油麦菜。个菜好新鲜。我地叫左个面share，好正宗台湾味真系，同台湾食到既一样，唔知系咪太正宗，同香港既有少少分别，我竟然有啲唔惯😂。总体都系好出色既一餐厅，下次黎试下饮茶。