Bella Shine (已搬遷) 新店位置

又系星期六午餐食好嘢嘅时间，揾咗观塘呢一间上楼嘅西餐厅食个靓午饭。^_^^_^店舖都系以简约为主，不过放咗两幅好靓嘅盔甲喺度，好突出，可能系呢间餐厅会卖日本料理嘅关系，所以放咗一个日本画喺度。午餐拣咗个澳洲安格斯肉眼扒＄118，叫咗五成熟。首先来一个沙律先。侍应话个沙律系加左杏仁汁，我心谂咩系杏仁汁呢？会唔会系好似热杏霜咁嘅味呢。个沙律上枱，上面有1D好似ranch 甘嘅酱喺度。食落口沙律好新鲜，个汁嘅味道就好似你食紧甜筒上面𠮶啲杏仁碎咁，唔系热杏霜嘅味道。好彩，因为本人唔饮热杏霜嘅。个汁好好味啊第一次试跟住到主角出场啦。外表睇落好似好窿咁，但系里面个成数同我叫嘅一样5成。牛扒本身好靓，本身调味应该都系胡椒盐𠮶啲，好简单，但就好带出本身牛扒嘅味道，同埋咁嘅配搭食靓牛扒系最好嘅，大家亦都可以睇到个相里面牛肉脂肪比例都好均匀，牛味十足。呢个午餐好满意，花多少少钱都值得。