申子居酒屋

营业中

休息中

小编7个月之前去过铜锣湾分店，一直念念不忘他们嘅和牛烧同汁煮左口鱼裙边，今次再嚟，当然要试吓啲新嘢。◇ 水母刺身水母刺身唔多见，每次见到都一定叫，贪佢烟韧爽口，水母本身味道清淡，加上酸醋酱汁好开胃◇ 日式鸡锤花虾外层樱花虾炸到金黄色，入口非常香脆，特色系将墨鱼滑包住鸡锤，有鸡肉香滑之余又有墨鱼滑嘅弹牙，沾上沙律酱味道更佳◇ 拖罗蓉脆米饼将拖罗打成蓉仍不失鲜味，夹脆米饼可丰富口感，卖相亦好靓，色香味齐晒◇ 蓬松玉子日式料理系可以将简单嘅玉子千变万化，这碟做法将蛋浆同芝士混合，卷叠成蛋卷呈长条形，加上烧汁同沙律酱，因芝士份量不多，作用只系多点芝味令味道丰富，整体味道独特，怪不得系招牌菜◇ 鲜蟹肉粥居酒屋都有粥食，好特别，仲要系蟹粥，立刻叫，用木制锅上枱好有霸气，打开盍阵阵蒸气散出，温度保持热辣辣，蟹肉唔系蟹柳而系真蟹肉，整碗粥特别鲜甜，仲有虾子，鲜上加鲜◇ 关东煮关东煮用无激素鸡白汤，汤底清甜健康，而材料好丰富，有年糕福袋、白萝卜、蒟蒻、鱼板等等，材料入味