博多拉麵別天神 (已結業)

心血来潮想食拉面，先知亚士厘道呢到有间拉面店！见价钱装修都ok，而且都几多人，决定试下！一入门口就有个自助食券机俾你选择想要啲咩拉面，之后将张票比店员就OK啦，非常方便！而且好有日本小店嘅feel~我哋两个人拣咗个别天神套餐再加一碗虾味噌汤面。别天神套餐另有沙律和饺子！呢度走自助式，茶水可以自己倒，和酱油都可以自己调配。沙律唔好见佢细细份，其实啲龙虾都几足料，味道都唔错。饺子热腾腾，入边亦都有肉汁。别天神拉面其实即系豚骨拉面，个汤底超正！真心就咁饮都冇问题唔会口渴，系好浓郁嘅猪骨汤。糖心蛋都好好食，半生熟，好滑身。拉面有口感，唔会太软身！虾味噌豚骨拉面呢个反而豚骨汤底味冇咁出，但一样都系好浓郁。配料一样好丰富，而且仲多咗粟米同埋虾米。虾米好香，同头先𠮶碗系另一番味道。个人比较钟意豚骨拉面🤤总括来讲，拉面质素唔错，而且尖沙咀来讲价钱唔算贵，上菜又快，下次经过会再试。