牛摩+ (新都城中心二期) (已結業)

呢日经过新都城，见到呢间日式火锅放题店，餐牌又几吸引。餐厅主打日式火锅放题，一人一炉价钱由$159起至$349，90分钟任点任食。晚上九点后仲再平啲，$119至$269就有得食，限时60分钟。我哋点咗极品美国牛小排套餐 ( $349一位），餐单入面有不同肉类选择，包括: 极品美国牛小排、SRF美国和牛、美国极上黑豚肉、特选美国牛肩胛等。牛质素相当高，牛味浓郁，入口嫩滑。除咗牛之外，美国豚肉质素都好好，入口充满浓烈嘅猪肉味。牛肉质素极高，朋友讲笑话叫五碟已经回本。仲点咗佢嘅「招牌牛摩饭」，入面有秘制莎莎酱，加埋美国牛肉免治，好开胃又惹味。呢个餐亦提供播种海鲜选择，包括广岛蚝、扇贝、大虾、青口等等。餐厅亦有自助区，提供有前菜、多种蔬菜、丸类、小食等。特别一提，佢嘅丸类入面有「啊中丸子」，值得一试。自助区亦有饮品及甜品提供，包括多沙冰、汽水、柚子蜜、朱古力等。甜品有雪糕、乳酪雪糕及蛋糕，相当多选择。餐厅地方宽敞，环境舒适，晚餐放题呢个价钱已经有高质和牛，其他食物质素亦相当不错，真心抵食。