影片
更多
2022-10-31
1396 浏览
又系食在元朗系列，星期日放假约个老友食晚餐，知佢都钟意食日式烧肉，又唔想食黎食去都系牛字头既连锁店，就特登揾到呢间近朗屏屯马线既涎烧肉店，交通非常方便。餐厅门面就好大，但入面就唔算话特别大，大约50个位左右啦，晚上6点半左右到都已经有6-7成客人，由于今日系walkin黎安排左坐吧枱，吧枱几高下枱底有个篮俾你摆袋，另外仲有即弃围裙，几贴心，店内环境都几舒适位与位之间唔会好迫，抽风都尚算可以唔会烟雾弥漫，坐吧枱仲可以睇到师父切肉既情况，都系一种艺术。睇下餐牌啦，今日拣个睇落几抵食既2人套餐，$538呢份餐仲有和牛食，就拣左呢份。面豉汤落单无几耐就上左3样头盘，汤黎讲就比较咸少少，材料都唔多几粒豆腐，普通野啦。茶碗蒸蒸蛋几香有蛋味，食落都几滑，不过材料都不多，味道就还可以啦。角切杂锦鱼生柚子汁沙律沙律菜都算几新鲜，鱼生粒都有好几款，其中螺肉我觉得最好食几甜，铺面果d蟹籽就好似腥少少。烧肉拼盘主菜黎啦，有5款肉，除左和牛同薄切果款牛板腱系4件，其余都有6件，份量算是ok，肉都经过解冻，唔似有d烧肉店有时上枱时件肉仲系冰既，呢方面几好，同埋某d肉无经过调味，所以更可以食到肉整本身既肉味，不过重
餐厅门面就好大，但入面就唔算话特别大，大约50个位左右啦，晚上6点半左右到都已经有6-7成客人，由于今日系walkin黎安排左坐吧枱，吧枱几高下枱底有个篮俾你摆袋，另外仲有即弃围裙，几贴心，店内环境都几舒适位与位之间唔会好迫，抽风都尚算可以唔会烟雾弥漫，坐吧枱仲可以睇到师父切肉既情况，都系一种艺术。
睇下餐牌啦，今日拣个睇落几抵食既2人套餐，$538呢份餐仲有和牛食，就拣左呢份。
面豉汤
落单无几耐就上左3样头盘，汤黎讲就比较咸少少，材料都唔多几粒豆腐，普通野啦。
茶碗蒸
蒸蛋几香有蛋味，食落都几滑，不过材料都不多，味道就还可以啦。
角切杂锦鱼生柚子汁沙律
沙律菜都算几新鲜，鱼生粒都有好几款，其中螺肉我觉得最好食几甜，铺面果d蟹籽就好似腥少少。
面豉汤，茶碗蒸，角切杂锦鱼生柚子汁沙律
130 浏览
0 赞好
0 留言
烧肉拼盘
主菜黎啦，有5款肉，除左和牛同薄切果款牛板腱系4件，其余都有6件，份量算是ok，肉都经过解冻，唔似有d烧肉店有时上枱时件肉仲系冰既，呢方面几好，同埋某d肉无经过调味，所以更可以食到肉整本身既肉味，不过重口味既朋友可能会觉得争少少，店家提供既酱汁味道都不算好浓，个人觉得点盐食更可提升肉既味道。
蔬菜及野菌拼盘
蔬菜类都有好几款，份量不少，比较特别系店家会提供埋溶左既牛脂肪，建议我地搽一层系d蔬菜度再烧会更香，呢个食法果然好好，1黎无咁易烧㶶，2黎香好多，系暂时食过既烧肉店第1间提供呢种食法，加分。
蔬菜及野菌拼盘
35 浏览
0 赞好
0 留言
白饭
套餐跟饭，望落唔似系珍珠米，但食食下又见d饭粒几圆下，唔知系咪沟米呢，食落都几唔错软硬适中。
热情果特饮，薄荷荔枝特饮
我同老友各拣一杯唔同既，我就要热情果，味道酸酸甜甜加左梳打水，都几好饮。
热情果特饮，薄荷荔枝特饮
86 浏览
0 赞好
0 留言
壶渍牛肋条
食完个套餐我地觉得仲争咁d，于是叫左款牛肋条，壶渍腌过牛肋条好入味，有3条，肉质都算软腍，肉味都有，重口味既老友话呢个最好食㖞。
壶渍牛肋条
$108
20 浏览
0 赞好
0 留言
整体黎讲呢餐我个人非常满意，价钱都不算贵，服务方面都几好店员都好有礼貌解答客人既问题，以后食日式烧肉又多个选择啦。
张贴
