牛気 (雅蘭中心)

营业中

休息中

今日同朋友去旺角整野，食晏时朋友提议食＂牛気＂话佢的食物有质素够新鲜。午市放题由$200到$700不等，我哋拣咗个中高价位嘅。套餐包括左澳洲谷饲黑安格斯牛、SRF 美国极黑牛放题以及海鲜放题！澳洲嘅安格斯牛肉相对细致，纹理亦都比较清晰，至于S R F嘅牛肉油脂相对较多，入口都几软柔。而且总括而言，肉类嘅解冻做得唔错食咗一轮嘅肉，当然仲有个多款海鲜要品尝:大扇贝、鲜虾、 花胶、虾滑、青口，每款都新鲜！真系食返几转都回本！仲有仲有，挪威三文鱼刺身都系任食㗎，师傅亦都切得好厚嘅一片，啖啖肥记住唔好忘记，要试一试自助区嘅食品，特别是佢嘅丸类真系五花八门，当中爆浓芝士丸、黄金墨鱼烧、小笼包丸都系比较少见嘅，而最值得推荐嘅，一定系呢一款麻吉烧，里面包含着芝麻同花生嘅馅料，口感好似汤圆一样，放入咸嘅汤底真系第一次试。全线嘅牛気个推出马来西亚榴梿甜品系列，钟意食榴梿嘅朋友，记住要去排队。