影片
更多
2020-06-23
2134 浏览
父亲节正日梗系要同爸爸去食餐好架啦🥰今次就去到位于荃湾广场新开嘅Outback Steakhouse💕之所以会拣呢间扒房系因为朋友之前食过，话服务好好(食到中途会有waiter 黎问你满唔满意，餐包同饮品都可以free refill)，野食又好食，所以就黎验证一下🥰呢间餐厅一直都系人气之选，大家如果想去食就记得要订位啦！今次我就我咗差唔多一个钟😭好彩荃湾广场同附近嘅商场都好多铺头可以行，时间都过得快啲。首先介绍下餐单，晚餐有4个set 可以拣，我今次就拣咗$530 2人餐再加个意粉 3个人一齐食～如果人多嘅话我就推荐叫佢嘅4-5人餐，$1600左右但包咗Outback 的皇牌重量级斧头扒，呢个扒单点就已经要$1050！所以跟餐叫绝对系抵食，而且佢外貌同味道都好吸引，咁啱隔离枱叫，闻到我都想试下，而且系铁板上同会有职员帮你切，绝对值得一试！首先登场嘅系黑糖麦包，味道酸酸甜甜，加埋Cream Cheese 简直一流。而且佢上菜之前会先烘一下个包，等大家可以食到热辣辣嘅包🥰值得一提嘅系包都可以refill!! 钟意食包嘅人可以疯狂refill, 但记得要留肚食之后嘅正餐🤣跟住系是日餐汤 —
呢间餐厅一直都系人气之选，大家如果想去食就记得要订位啦！今次我就我咗差唔多一个钟😭好彩荃湾广场同附近嘅商场都好多铺头可以行，时间都过得快啲。
首先介绍下餐单，晚餐有4个set 可以拣，我今次就拣咗$530 2人餐再加个意粉 3个人一齐食～如果人多嘅话我就推荐叫佢嘅4-5人餐，$1600左右但包咗Outback 的皇牌重量级斧头扒，呢个扒单点就已经要$1050！所以跟餐叫绝对系抵食，而且佢外貌同味道都好吸引，咁啱隔离枱叫，闻到我都想试下，而且系铁板上同会有职员帮你切，绝对值得一试！
首先登场嘅系黑糖麦包，味道酸酸甜甜，加埋Cream Cheese 简直一流。而且佢上菜之前会先烘一下个包，等大家可以食到热辣辣嘅包🥰值得一提嘅系包都可以refill!! 钟意食包嘅人可以疯狂refill, 但记得要留肚食之后嘅正餐🤣
跟住系是日餐汤 — 忌廉蘑菇汤，汤底好浓郁，蘑菇又打到好碎，食落口感好厚好丰富，汤上仲有一旧面包糠，趁埋个汤饮一流💕
之后系House Salad，摆盘嘅色彩好丰富，用黎打卡一流，而味道一绝🥰好开胃
之后上菜嘅系烧带子烟肉白汁烩饭，烟肉包裹带子以串烧嘅方法呈现，垫底嘅系白汁烩饭，好新奇。烟肉包住带子食落好有层次感，亦锁住咗带子嘅水分，好正！白汁烩饭面都好有水准，够黏，食落都好饱～
跟住系虾肉意粉，要留意嘅系呢个意粉都几辣！唔食得辣嘅要小心啲，宽条面煮到Al dente 又入味，虾都好新鲜。
最后上嘅系斧头扒，可以拣7成熟或者全熟。仲配有饭垫系底，但啲饭系吸咗斧头扒嘅汁之后偏咸。斧头扒好好好厚！啖啖肉真系好正，而且上嘅时候职员有讲如果可以先系近骨位切开睇下满唔满意熟度，如果唔满意嘅话就可以帮我地换，服务一流！
总括黎讲，Outback Steakhouse 嘅性价比好高！强烈推荐大家黎试下🥰🥰
张贴
