MOUNTAIN

营业中

休息中

见到呢间餐厅新开，透过玻璃见到只有2枱客，以为会唔好食，但谂住试下既心态走左入去，点知入到去转个弯原来仲有2排卡位，同埋已坐左几枱客，卡位好大好靓，坐得好舒服叫左个黑松露杂菌炖饭，带子沙律，鸡翼，一杯70%特浓朱古力同一杯宇治抹茶拿铁，饮左啖朱古力后，发觉有咖啡味，跟住同侍应（唔知系咪老板）讲我唔知系咪我叫错，我想要无咖啡朱古力，一般餐厅既做法系check下单先，若顾客叫错，通常都唔理你，但呢位侍应二话不说，单都唔check就话整过杯俾我，有咖啡个杯朱古力仲要唔收返叫我老公饮多杯，仲不停同我讲唔好意思，而家好少餐厅有咁好既服务态度，加上佢食物唔错，炖饭唔会太硬，沙律唔单只有菜，仲加埋鸡蛋同蕃茄仔，鸡翼都好好味，所以我一定会再去帮衬。