丼吉日式吉列豬排專門店 (新城市廣場一期)

营业中

休息中

同朋友都好怀念一齐喺日本食炸猪扒嘅时光,决定相约喺呢度重拾日本嘅味道由于book咗位,所以两个人都畀咗卡位我哋 座位好阔落,食饭倾偈好舒服。不过呢度部分卡位嘅设计,同隔离卡位并唔系完全隔开, 私隐度相对就冇咁高。叫咗一客前菜,芝麻酱豆腐,一客二人套餐,吉列猪扒拼猪柳,同埋一客猪肉汤。落单之后,侍应会畀芝麻我哋自己磨,隔咗一阵好快就有嘢食啦。吉列猪柳有四件,cut开分成8件,肉质好松化,而且唔肥,炸得好松脆至于吉列猪扒肉质就会硬身少少,有四分一嘅脂肪,有啲肥。个人就比较prefer猪柳,肥瘦适中好好味芝麻豆腐好滑,绝对系靓嘅豆腐所制成。猪肉汤我就冇饮啦饮咗面豉汤,唔会太咸,里面有豆腐,海带同埋少少蚬肉,唔错既。不过猪扒如果放得耐咗一阵就失色好多,所以一定要趁热食。顺带一提呢度嘅服务都几好,由于白饭同埋菜丝系无限添加,店员会经常走埋嚟问你需唔需要加菜,好细心。