黑木 (已結業)

同酒鬼朋友聚旧, 自己又唔识饮酒, 唔想去酒吧, 去居酒屋就最好不过! 有酒饮之余, 又有串烧食, 满足到佢, 又满足到我!走到尖沙咀有韩国街之称既金巴利街, 有一间隐世居酒屋, 门面较隐闭, 经过未必留意到~店内企理, 设有吧台除左有多款日本清酒、酒类饮品, 食物就以串烧做主打【芝士年糕】HK$38入口软棉棉, 中心位有香滑半流心芝士流出, 不过嫌呢个价钱, 只有一件, 份量太少!【明太子饭团】HK$48只有手芯般大既饭团, 表面香口脆卜卜, 入面混入左微辣既明太子, 几惹味【莴笋鸡翼】HK$58是日厨师推介, 鸡翼被拆骨, 塞左三条莴笋入内,  鸡翼肉唔多, 但表面煎得几香脆, 莴笋清甜, 建议点少少盐吊味, 味道会更好【鸡肉棒】HK$48鸡肉棒中有爽脆软骨碎增加口感层次, 点上日本生鸡蛋汁, 令入口质地更滑, 多了一份蛋香【白鳝】HK$68鳝算系几厚身, 超喜欢个皮烧得好香脆, 鳝肉质林, 但我果件可能近尾位, 好多幼骨, 食既时候要小心【鸡软骨】HK$38已被晒上盐烧, 香口之余, 软骨位爽脆, 正!【鸡皮】HK$38烧得很香脆, 带些少焦香, 唔会太油【白葱黑豚肉】HK$38