五月食堂 (已結業)

成日经过骏业街熟食中心，今次终于入去睇吓有咩食。入面其实都几多食店，见到这间「五月食堂」，个餐牌同门面都几吸引，于是入去试吓。先讲店舖装修，一定唔系五星级，但同以往去过啲熟食中心食肆唔同，呢度个环境都算几干净。一入到去，相信应该系老板娘，服务很好，马上递上餐牌，见到都几多选择，分别叫了个烧春鸡餐、无骨咸猪手意粉、盐烧多春鱼同天妇罗软壳蟹。落咗单之后，即刻送上两碗汤同煎饺子。碗汤都几清甜，而只饺子就正常。，到个正餐方面，只烧春鸡啲肉都几嫩，同埋都几香，薯角就热辣辣，个蒜蓉牛油鲜柠檬汁用来点薯角食其实都唔错。而无骨咸猪手意粉，啲肉食落好香，皮好脆，唔韧，正。小食方面，盐烧多春鱼又系好脆，而且唔算太盐，几好食。天妇罗软壳蟹就几大只，点上沙律酱唔错，再加上伴碟的生洋葱一齐食，味道会变得更加浓。整体嚟过间餐厅唔错，可以再来一试其他食物。