民華餐廳 (已結業)

放工做完运动都九点几，跑完成身汗就要去食下野啦! 民华餐厅算系我既小饭堂，次次都会夜晚黎食佢个常餐! 无他，因为佢地服务态度好，而且干净企理，出品又好食!所以先会成为常客。今日食左茄牛通加餐肉炒蛋! 一睇相就知茄汤浓郁! 真系饮茄汤都系一种享受 牛肉唔会好似香口胶咁，够冧身! 平时lunch要35蚊，但系其他时间就要41! 冻饮再加3蚊，如果lunch黎讲其实好平! 值得推介! 而多士跟餐蛋就真系要讲一讲，民华餐厅既多士都系即烘嫁!!! 所以次次都会暖暖地咁上枱，一咬落去系会听到脆既声音! 茶记有咁既质素唔系讲笑! 配合埋炒蛋餐肉，食完跑多几个圈都抵啊!