初味 (已搬遷) 新店位置

餐厅地点位处内街，对唔熟路嘅朋友会比较难揾，好彩我哋喺港岛区都时常出没，所以都唔太难就到啦。餐厅装修唔系好奢华，应该系走实力派路线~前菜点咗4只生蚝打开序幕，South Pacific都好大只饱满，有少少海水味但系又唔会好咸，食落口感好creamy，蚝味都几够。新鲜够冻，唔错。主菜系食焗羊架，选用比较细嘅羊架，肉质超级嫩，生熟程度啱啱好，唔会太生，如果好多血水会太过吓人。夹埋个mint jelly一齐食味道一流。另一个主菜系肉眼扒，我无试食，不过卖相望落就相当唔错啦。