大滿喜日本料理 (已結業)

同女朋友系旺角拍拖差唔多到晚饭时间，我就提议不如趁早去食放题啦。伤到去创兴8楼嘅大满喜食佢头轮放题，果然早d上去无多人唔洗等唔洗逼，即刻就安排到位坐。餐厅入面座位都坐得几舒服同够光猛。坐低之后就当然tick纸叫嘢食啦。见到佢寿司同刺身都有唔少选择，望过隔离台嘅刺身都见到好新鲜就叫住刺身tick其他嘢食。刺身叫左三文鱼、吞拿鱼、北寄贝同俄罗斯甜虾。可能因为时间尚早刺身好快就上台。三文鱼同吞拿鱼都新鲜，但系最值得推介嘅系个俄罗斯甜虾。甜虾肉质弹牙，仲十分鲜甜。女朋友忍唔住即刻再order多几只。食放题当然要嗌d烧物同一品料理先得啦。羊架、一口牛、带子呢d呢到都有。羊架每件大大份，唔洗嗌多几次都好够喉。一口牛炒起好香蒜味，肉质唔老。食到饱饱地叫返几件烧菠萝消滞。菠萝多汁又甜又好食，同女朋友食左几碟先再继续战斗。Overall系食早场晚餐放题大满喜系一个唔错嘅选择。嘢食选择又多又新鲜，味道仲要唔错。又因为无其他时段咁多人又可以食得舒服d无咁狼狈。旺角晚餐唔知食咩可以再食。