安南 (利園) (已搬遷) 新店位置

端午节饭+生日饭第二次食安南啦，不过哩间餐厅份量好多，所以之前得2个人食只系叫左2道菜。今次9大1小终于可以试多几样啦～烧安格斯牛柳沙律顺化浮萍饼椰青蒸肉蟹牛肉汤河炭烧猪颈肉春卷蒸粉卷墨鱼饼软壳蟹烧鸡大概就系叫左咁多样𩠌~推介:::顺化浮萍饼，个样好特别，好似砵仔糕咁样。以为会冇咩味道，点知食落去面包粒好脆，葱都𪷽过油好香，亦可以加少少鱼露添味。蒸粉卷都好好食，粉皮晶凝通透，皮薄馅靓。烧安格斯牛柳沙律的牛柳好稔，个汁好开胃！斑兰椰汁糕好软熟，唔太甜，食多一两旧都唔怕。唔记得影杯椰青水，佢有椰肉粒粒架！好有咬口。虽然系贵价越南菜，但系我觉得食物好高质，环境好靓好舒服，所以间唔中食下都可以呀，不过就真系要多几个人食先可以试多几样野。