金雄御車仔麵

营业中

休息中

今日岩岩返完教会就去揾食，系筲箕湾有间可以食到车仔面既就黎试下啦，真系有惊喜，味道同质素都唔错，值得一试。首先我点左油面，三𩠌分别有包心猪肉丸，卤水猪颈肉，卤水猪大肠，配牛腩汁中辣。份量十足，𩠌每款都好多，性价比高，而且味道都好好。好耐无食过咁好味既车仔面。质素都好好，味道更加系正。一试便爱上。重有叫多个炸鱼皮，有成碗满满的，份量都好多，非常香脆同新鲜，点咪汤食真系好野味，令味道口感更加提升。呢个餐叫咪雀巢雪梨茶，真系非常满足，饮品够晒冻，非常止渴。另一个餐系点左云南米线，两𩠌分别系秘制超淋牛筋，卤水猪颈肉。牛筋入口即溶，味道都好香浓。真系唔错既选择。面底又够弹牙。汤底又好好味，成碗都差唔多饮晒。再叫咪个咖喱小食分别系水鱿，八爪鱼，咖喱鱼蛋。三款小食系配咖喱汁。鱼蛋非常弹牙，咖哩味好好，捞咪面食真系绝配。无得输。世界级享受。最后叫杯热可立克，味道岩岩好，唔会太甜，岩晒一班女士们。