一風堂 (新港中心) (已結業)

友人好钟意食拉面，佢成日话连锁拉面店黎讲最稳定同好食就系一风堂。星期六下午一点几去呢间分店竟然唔驶排队。两个人分别叫左赤丸、特制白丸同埋饺子。普通赤丸同特制嘅分别系少左半只蛋同埋紫菜。我点左硬身面质，食落口感刚刚好，相信如果要普通面质再浸耐左会觉得太淋。汤底方面有少少辣，加埋葱花蒜好香，而且饮左几啖都唔口渴。友人叫左特制白丸，汤底好浓郁，因为纯猪骨汤底冇辣味，所以猪骨味好突出。最爱日式饺子，呢度嘅饺子上面铺满姜蓉同葱花，加埋饺子汁，别有一番风味，可惜性价比好低，因为好细只。