影片
更多
2015-05-08
1017 浏览
记得读书既时候，我好中意同同学去打边炉，而且更加要系任饮任食，因为坐得耐，可以吹水吹耐d，最重要系够平又够饱。不过人大左，食量细左，食野就更加系要睇质素，唔可以浪费quote。过左咁多年，又同几个同学重聚，当然系继续打边炉吹水，但我地要食有质素既野，谂左好耐，最后拣左九龙城既厚福馆。因为朋友话佢个到既汤底好特别，而且海鲜又够新鲜。我地冇订位，直接去，7点左右去到，唔驶等位，入到去，D摆位、餐具都好靓。因为我地未齐人，侍应都好细心提我地叫住野饮等，等左一齐全部人黎齐，我地今次一行4个人，叫左个足料佛跳墙汤底($198)，汤底入面有，饱鱼，螺片，翅，花菇，半只鸡，细心既侍应知道香港人习惯以相机食先，所以就自比我地睇一睇所有材料，再系我地面前加汤，仲提我地滚左之后要先饮返啖汤。等左10分钟左右，个汤滚左，我地一试个汤，超甜，仲好浓既鸡味。真系好正!!我地仲叫左个厚褔刺身拼盘($188)，入面有三文鱼，带子，象拔蚌，北寄贝等，样样都好新鲜，粒带子刺身好大好厚，食落入口即溶，又够鲜甜。象拔蚌，就好爽口，好正呀。Menu入面除左火锅配料、刺身，仲有餐前小食，我地就叫左个秘制香炸松露饺($68)，炸
不过人大左，食量细左，食野就更加系要睇质素，唔可以浪费quote。过左咁多年，又同几个同学重聚，当然系继续打边炉吹水，但我地要食有质素既野，谂左好耐，最后拣左九龙城既厚福馆。因为朋友话佢个到既汤底好特别，而且海鲜又够新鲜。
我地冇订位，直接去，7点左右去到，唔驶等位，入到去，D摆位、餐具都好靓。
因为我地未齐人，侍应都好细心提我地叫住野饮等，等左一齐全部人黎齐，我地今次一行4个人，叫左个足料佛跳墙汤底($198)，汤底入面有，饱鱼，螺片，翅，花菇，半只鸡，细心既侍应知道香港人习惯以相机食先，所以就自比我地睇一睇所有材料，再系我地面前加汤，仲提我地滚左之后要先饮返啖汤。等左10分钟左右，个汤滚左，我地一试个汤，超甜，仲好浓既鸡味。真系好正!!
我地仲叫左个厚褔刺身拼盘($188)，入面有三文鱼，带子，象拔蚌，北寄贝等，样样都好新鲜，粒带子刺身好大好厚，食落入口即溶，又够鲜甜。象拔蚌，就好爽口，好正呀。
Menu入面除左火锅配料、刺身，仲有餐前小食，我地就叫左个秘制香炸松露饺($68)，炸得好热好香脆，一咬开就有劲香既黑松露，好香。打边炉，点小得食牛嫁，我地叫左个每日限量顶级牛肉($298)，一碟都几多下，牛肉好靓，仲有雪花，食落好嫩滑，而且咬落仲好稔。牛味十足，食完一块接一块，完全唔想停口。
平时打边炉，多数会叫桶蚝，但今次见佢呢到有日本广岛蚝，当然要试下啦$78一份。都几大只，煮完之后都冇咩缩过，蚝味好浓，我自己觉得比桶蚝仲好食。
伊比利亚黑毛猪柳粒$88，呢个系老板介绍既，佢话口感好特别叫我地试下，仲提我地要煮15分钟先食得，制成品个野同煲完汤个猪肉一样，心谂一定好硬唔通老板厄我???点知一咬之下就发现大不同，肉好嫩，油脂分布好平均，一咬落去就有肉汁流出黎，真系估佢唔到。
爽脆桂花蚌($78)，好爽口，原只火箭鱿鱼筒($40)，细细只，以为冇肉，点知好爽又鲜甜，出奇地好食。
巨型花竹虾，刺身就食过，拎黎打边炉就真系第一次，D虾肉好弹牙，又鲜味，我地一人食一只!!!
听老板讲佢地丸同饺，都系手制，自己打，自己调味，我就叫个细既既必食蚝仔牛肉饺($38)黎试试，口感都几特别，牛肉包住左只蚝仔，一咬落去牛肉好香，只蚝仔既汁就爆出黎，好鲜呀。另外一个自制墨鱼滑($68)，入面有好多墨鱼粒，好有咬口。
最估唔到既系原来蕃薯都可以用黎打边炉，我就系比佢吸引左，叫左一份黎试试，日本甜薯($28)，蕃薯好甜，都几得意。
今餐我地大约400蚊一位，食物好新鲜，超赞呀!
张贴
