新麻蒲 BBQ (東港城) (已結業)

将军澳韩国菜选择唔多，好彩依家东港城开左呢间，星期六日中午都有lunch set，感觉即刻抵左。如果可以闲日黎仲抵，平均每个餐再平$10。呢度坐位都几宽敞，又有卡位坐得舒服。我叫左个特级午市套餐，朋友叫左个海鲜媡豆腐锅，我地仲心多多咁叫多份海鲜泡菜煎饼。4碟前菜送上黎时已经即刻有啲担心会唔会点太多，因为前菜份量都唔少。特级午市套餐简单黎讲就系个极丰富既烧肉套餐，有齐多个牛既部位既肉、五花肉同什菇，连大酱汤都齐埋。值得一赞系大酱汤有专属位置放，可以一边”庆”住，咁食完肉再饮都仲系热既。牛肉五花肉都”叶”得好入味，有适当既油脂又唔会觉得好肥。抽气都做得好好，一路烧肉唔会觉得多油烟。配埋周边既围边蛋、山菜同沙律，仲有个紫菜饭其实已经好饱。海鲜媡豆腐锅有少少辣，主要有青口、蚬同豆腐。豆腐好滑嫰，汤捞饭好快就食完。海鲜泡菜煎饼大大份，配埋个汁俾你点。佢唔系煎到成块好脆个款，系中间软外边脆，而且几足料。热柚子蜜加埋柠檬真系第一次见，原来系好好饮架㖞，食完饮完真系超级饱。