得閒飲茶

营业中

休息中

屋企楼下指定点心店，趁今日落雨，冇乜人排队，食点心做晚餐。同朋友叫咗几笼点心，品质有保证。牛肉肠粉够滑，包住啲牛肉，点少少豉油，味道刚刚好。小笼包系每次嚟必点，皮薄得来又包住好多汤，啜汤出嚟果下非常满足，点埋醋嚟食，味道一流。平时都系食凤爪排骨饭，今次朋友话试吓牛仔骨蒸饭，食落又唔错。鹌鹑蛋烧卖都系每次必点，唔系度度有得食，话知佢胆固醇超标。略为逊色系虫草花棉花鸡，只鸡有啲肥，冇乜鸡味。店员有礼，好勤执枱，值得一赞。但系张枱太细，食得有啲辛苦，因为个袋顶住，又冇乜位可以放。