媽咪雞蛋仔 (已搬遷) 新店位置

鸡蛋仔由细食到大，看似简单嘅小食，但唔系间间都整得好味。呢间嘅蛋浆整到好香蛋味，外层脆卜卜，内软实心，唔会空档！有次食过间系硬嘅，仲要越食越硬，食到上颚都损埋，算吧！都系讲番呢间妈咪鸡蛋仔~原味鸡蛋仔($27) 一定系首选，充满蛋香！次推朱古力鸡蛋仔($34) ，朱古力味香浓，又唔太甜。哗！呢个原味格仔饼($30) ，就算摊凉咗都一样咁好食！格仔饼本身已涂了好香嘅牛油，所以未点炼奶花生酱(花生酱好滑，冇花生粒) ，已经觉得好有奶油蛋香味！如果减肥嘅。。就要三思啦！廿几三十蚊唔算平，但好食嘅，我宁愿俾多d, 食得满足又开心！