優閑法式班戟甜品專門店 (已結業)

今日系西营盘开会，开会之前念住医左个肚先就去左系附近既优闲食班戟。衣间餐厅麻雀虽小但五脏俱全，而且仲布置得好靓。五点半去到冇人排队唔洗等位，今日间舖好多人除左厨师有四个人系度帮手，细细间餐厅估唔到有咁多人。红桑莓橙香酒汁伴瑞士特浓雪糕班戟配榛子碎 $28餐牌上既班戟酱汁同雪糕可自由配搭，每款班戟可配朱古力，杏仁或榛子碎。个班戟皮好薄，有少少脆，加埋啲配料好好味。雪糕咖啡味香浓，不过溶得好快，只系食得几啖。啲cream自家制既唔会好肥腻，红桑莓好足料都有几粒。一开始完全feel唔到啲橙香酒汁，可能系个雪糕抢晒啲味，到食晒其他配料差唔多食到最尾果时先食到有橙香味，啲汁甜甜酸酸咁配埋个班戟几好食。半份size比较小，食完觉得唔够所以叫多个咸班戟试下。生菜蕃茄粟米千岛汁班戟 $25好有田园风味既班戟，本身想试法汁可惜冇晒，千岛汁落得唔够基本上食晒食个班戟去到最后先有，不过有生菜粟米所以食落唔算dry，个人认为衣个班戟唔算太好食。