德興火鍋．海景軒 (已結業)

一早响东九龙上完山, 快到正午, 大颗儿一行七人, 老老少少, 我就提议到Megabox饮茶. 转咗＋几个圈先至泊好车, 步入商场, 见到呢间德兴门面唔错, 不妨一试. 侍应领我们入坐, 内里环境光猛, 坐位宽倘舒适. 安坐后, 开咗茶, 系咁意叫咗＋零个点心: 虾饺, 烧卖 - 虾饺麻麻, 连小公子都唔吼. 烧卖一般... 鹅肝芋角 - 吃唔到鹅肝味.... 炸云吞 - 几脆, 味道ok. 虾肠, 义烧肠 - 肠粉唔错, 好滑! 脆皮烧腩仔 - 皮好脆, 可惜唔热, 肉太咸! XO酱炒年糕 - 年糕出奇地炒得好味, 唔错! 煎薄餐 - 味道好传统, 不太油, 唔错! 义烧包 - 一般ok啦.... 金蒜蒸排骨 - 淡而无味! 流沙包 - 正, 的确好流沙! 椰汁红豆糕, 芒果布甸 - 椰汁糕味道清新, 红豆略硬, 芒果布甸则唔错. 整体评分只属一般, 冇乜惊喜, 嚟Megabox胜在人流唔太多, 有免费泊车. 下次可试第二间, 冇位先会考虑再返嚟.