68 Cafe

营业中

休息中

午餐时间成日兜兜转转都唔知自己想食乜嘢,结果行到去元朗图书馆后面,见到一间装修都几有风格嘅餐厅。主要都系一啲港式，同埋西式嘅常餐。咁啱撞正过咗学生嘅午膳时间，所以舖头入面都仲有好多位。见到menu上面重点推介嘅一个猪扒蛋饭，几乎人人都会叫。但由于我唔系一个肉食爱好者，所以我就普通常餐算啦。几钟意佢呢一种可以自由配搭嘅方式，唔会限死咗你要叫啲乜嘢，适合一啲食嘢食量唔多嘅女仔。等咗唔需要五分钟，啲嘢食已经嚟齐啦。好老实讲味道唔系话特别出众，畀普通嘅茶餐厅有优胜。因为用咗韩国芝士汤面，面条非常之有咬口，汤底都有浓浓嘅芝士辣辣哋嘅味道。虽然系咁，但系见到人哋个个都食紧猪扒蛋饭，都好想试一试。下次有机会要试下68cafe嘅招牌先得。