Potluck Eatery

香煎法式鹅肝多士($118)，鹅肝饱满肥美，未食已经闻到油脂香味，入口完全在口腔溶化，生果和法包此时能发挥作用，有助解除油腻既感觉。烤焗香草保云苏纽西兰西冷羊扒($288)，拣左7成熟，食落都唔会太韧，羊扒既膻味够浓，顶层放左应该系炸蒜增强口感，两个酱系簿荷和黄芥末，个人觉得黄芥末比较好食，微酸得黎带点芥辣，小薯仔都煮得唔错，有咬口，可以连皮食。芝士菠菜龙虾蟹肉意粉卷 Set($298)，净主菜系$258，加$40有餐汤和包和甜品和饮品，我觉得几抵，蒜蓉法包焗得好脆，意粉卷个皮较结实，食落有咬口一d，而且馅料仲有蟹肉棒，啖啖肉既滋味，蟹钳经过炸去处理好酥脆，最后甜品系蓝莓芝士饼，唔会太甜或太漏，好浓郁既芝士味。