酷廚 (已結業)

Kool studio环境真系唔错，给人一种好优闲写意嘅感觉，而今次黎到就试食左将会于今个夏日推出嘅新菜式🍴包括有：*前菜*凯撒三文鱼沙律紫菜脆皮鸡芦笋鳗鱼汁牛脷*主菜*英式早餐传统牛肉汉堡大虾南瓜意大利饭烧猪肋骨鲈鱼紫薯意大利饭样样都好好味，不过肉食爱好者嘅我最欣赏以下几款菜式😋*****前菜*****1. 紫菜脆皮鸡（前菜）鸡肉系我最钟意食嘅肉类之一，皮脆肉嫩嘅鸡肉用香脆嘅紫菜包住，好味道！2. 芦笋鳗鱼汁牛脷（前菜）牛脷不加任何调味腌制，肉质鲜嫩多汁，入口即溶，再搭甘甜可口嘅特制芦笋鳗鱼汁 ，味道非常配，而且牛脷大大块，真系好抵食！*****主菜*****3. 烧猪肋骨（主菜）比一般餐厅嘅猪助骨厚身兼多肉，最重要系个秘制酱汁非常惹味，浓而不腻，加埋大大份薯条伴碟，够哂饱！如果唔喜欢太浓味嘅朋友，可以试下呢款英式早餐4. 英式早餐大致同一般英式早餐冇咩分别，不过呢份早餐加入左「黑松露炒滑蛋」及「传统意式多士」，味道唔错，值得一试。