Pasta Marche - Italian Casual Restaurant (已結業)

出差到将军澳！做完嘢都系时候食晏！稳阵啲上openrice睇定啲食店！见到呢间食意粉好似唔错！嚟到餐厅只有半满！唔使等位，地方光猛，装修新朝，桌椅唔密！坐得舒服！午餐选择都多！拣咗：活蚬西兰花扁意粉」（$59）包沙律同饮品，我$10加个餐汤！今日系杂菜汤！食物五分钟内到齐包括饮品！（呢样唔系咁好！我哋食紧沙律嚟汤，饮汤时嚟意粉，搅到迫住食！）食物本身味道唔错，先讲沙律，有四款沙律菜！特别系个酱！泰式甜辣酱，只系好少辣，但效果几清新！沙律菜亦新鲜！杂菜汤够热，所以放咗一阵先饮（因为食紧沙律），温度都可以接受！汤内嘅杂菜都多，唔会煲到烂！跟汤有两片蒜茸包，虽然唔热但香脆！唔会干争争！配汤食几好！意粉卖相同餐牌必参考相片差不多，用槛榄油香草炒，味道唔浓但清新！意粉有咬口！自己钟意略硬嘅质感！呢间做得几好！蚬肉连壳围边，蚬肉唔韧，虽然味道一般但唔腥！西兰花爽口！唔会太淋！整体系好味！份量都够饱！餐厅内无厕所！要行去商场度去！距离仲要几远！呢样唔系咁方便！侍应服务勤快！今日东亚信用卡仲可以第二个午餐半价！所以除开都系每人$70！