影片
更多
2020-07-16
528 浏览
今日有事去牛头角，等朋友期间揾到间小小coffee shop。我最钟意饮咖啡，趁有时间就一试。细细间舖头仔，风格都几优闲舒服，有个透明柜放croissants。八达通拍卡位有stand with Hong Kong 贴纸，旁边玻璃窗有米猪连认证贴纸🎗🎗🎗未食早餐，点咗个牛油果芝士bagel。我系朝早8点半左右到，门口有3-4个位可以坐低食，朝早唔太多人，所以我拣坐低食，不过都要等around 10分钟先有得食，即叫即做。无几耐8.40左右开始多人，有唔少人(有几个外国人)等咖啡take away，睇落大部分系熟客。其实舖头啲装饰真系唔错，枱面有盘花，入面见到有茶壶相架，感觉唔错，天气好嘅时候坐低慢慢食会几享受。唯一缺点系隔离系茶餐厅，门口啲阿叔会一边食烟一边吹水，我坐响门口食又唔钟意啲烟味所以环境响不可控因素下扣一粒星。个bagel都几大个，切一半，有好多好多牛油果好开心，入面仲有切片蕃茄，蕃茄爽甜新鲜，啱啱攞出嚟时个包仲好热，成个bagel好好食。不过唔系好食到芝士。第二件bagel可能我等得太耐先食，已经冻咗同硬咗啲，不过依个系我自己攞嚟嘅，食bagel都系趁热好食。早餐$58，连
细细间舖头仔，风格都几优闲舒服，有个透明柜放croissants。八达通拍卡位有stand with Hong Kong 贴纸，旁边玻璃窗有米猪连认证贴纸🎗🎗🎗
未食早餐，点咗个牛油果芝士bagel。
我系朝早8点半左右到，门口有3-4个位可以坐低食，朝早唔太多人，所以我拣坐低食，不过都要等around 10分钟先有得食，即叫即做。
无几耐8.40左右开始多人，有唔少人(有几个外国人)等咖啡take away，睇落大部分系熟客。
其实舖头啲装饰真系唔错，枱面有盘花，入面见到有茶壶相架，感觉唔错，天气好嘅时候坐低慢慢食会几享受。
唯一缺点系隔离系茶餐厅，门口啲阿叔会一边食烟一边吹水，我坐响门口食又唔钟意啲烟味
所以环境响不可控因素下扣一粒星。
个bagel都几大个，切一半，有好多好多牛油果好开心，入面仲有切片蕃茄，蕃茄爽甜新鲜，啱啱攞出嚟时个包仲好热，成个bagel好好食。不过唔系好食到芝士。
第二件bagel可能我等得太耐先食，已经冻咗同硬咗啲，不过依个系我自己攞嚟嘅，食bagel都系趁热好食。
早餐$58，连bagel包一杯咖啡，我要咗杯Americano，都唔错唔会太浓，最惊啲咖啡豆焙太耐搞到好苦。
一个set $58有包有咖啡，我觉得都算唔错，坐响度食野时见都有唔少客人系买个set take away，响附近返工又唔想食太heavy嘅可以考虑吓。
除咗bagel仲有啲brioche(软面包?)，蛋糕仔，muffin同scone之类。饮品都有啲特别嘅野，我对Baileys latte 极有兴趣，下次嚟开依头可以试吓。
Menu:
张贴
