嶼坊

营业中

休息中

好朋友生日，专程入嚟东涌Sheraton 试吓。首先一入酒店个大堂好大楼底好高，好有气派，赞！餐厅方面，reception 好有礼貌，因为朋友生日，餐厅都好好安排我哋坐近buffet 嘅梳化位(几舒服，啱晒我哋几个女人有排倾) , 餐厅装修几优雅，枱与枱之间空间好足够，呢餐食得舒服嘅食物方面，首先有生蚝，加菲蟹呢啲好嘢，行过啲有芝士焗龙虾，热盘都有好多海鲜选择，印度咖喱唔太辣，啱我口味，沙律方面有啲”新界锦田菠菜”，”元朗木瓜”，”大埔大蒜”，只只蔬菜都系本地菜好特别呀，返埋位咁啱见个餐厅嘅经理逐枱同啲客人倾偈，见佢几nice 佢埋嚟嘅时候我好奇问佢啲蔬菜系咪真系嚟自牌上面写住嘅地方，佢话真系㗎，因为而家做紧本地食物嘅主题，个经理仲解释埋酒店每几个月就会转一次buffet 嘅主题，咁几好，下次嚟又有新嘅嘢食服务方面都好好，啲侍应收碟都好快好有礼貌，最重要系餐厅啲待应做嘢唔会”砰砰嘭嘭”，我哋几个女人坐到尾声啲待应都无要赶我哋嘅感觉，buffet 枱啲厨师几好倾，有问有答，甜品方面虽然无我最钟意嘅pancake, 不过有本地特色嘅鸡蛋仔，都唔差嘅