影片
更多
2016-08-26
1895 浏览
一直都好想揾多d环境清静，食物又好既西餐厅，倾计都可以倾得舒服开心，今次终于揾到，可以列入我收藏！一入门口吸引我既除左有前枱小姐亲切笑容之外，重有整洁既bar枱，同符合高级餐厅应有既气氛。坐低之后紧系即刻睇餐牌啦，太多野想食所以用左好耐时间，不过店员都无吹或者企喺身边比压力，反而先上面包，可以一边食一边谂。暖暖既面包，配上香草酱，酱料带微微酸味外加少少蒜香，作为开胃食物一流，而且面包面头非常脆口，好中意呢种配搭！Nyc chopped salad沙律中有长条型芝士令口感更满足，芝士只带微咸而且唔会好腻口，反而食完后有少少芝士香味由口腔渗透出来。而虾新鲜当然系基本，而且虾味浓郁，面头虽然好多香料但都无遮盖鲜味，加上牛油果切成细粒，更容易捞匀整个沙律。Grilled Octopus一上枱既时候已经比呢道菜既香味吸引左，有鲜甜既蕃茄仔，脆口既小薯角做配菜，脆系好重要，好多时喺有酱料既菜色中薯角keep唔到脆身口感，而主角八爪鱼好烟韧，面头有一层带有微微甜味既酱汁包裹住，非常美味！Deviled Crab Cake呢道crab cake，一上枱就比佢嘅放碟方式吸引左，我本来以为佢会好似 fis
一入门口吸引我既除左有前枱小姐亲切笑容之外，重有整洁既bar枱，同符合高级餐厅应有既气氛。
坐低之后紧系即刻睇餐牌啦，太多野想食所以用左好耐时间，不过店员都无吹或者企喺身边比压力，反而先上面包，可以一边食一边谂。
暖暖既面包，配上香草酱，酱料带微微酸味外加少少蒜香，作为开胃食物一流，而且面包面头非常脆口，好中意呢种配搭！
Nyc chopped salad沙律中有长条型芝士令口感更满足，芝士只带微咸而且唔会好腻口，反而食完后有少少芝士香味由口腔渗透出来。而虾新鲜当然系基本，而且虾味浓郁，面头虽然好多香料但都无遮盖鲜味，加上牛油果切成细粒，更容易捞匀整个沙律。
Grilled Octopus一上枱既时候已经比呢道菜既香味吸引左，有鲜甜既蕃茄仔，脆口既小薯角做配菜，脆系好重要，好多时喺有酱料既菜色中薯角keep唔到脆身口感，而主角八爪鱼好烟韧，面头有一层带有微微甜味既酱汁包裹住，非常美味！
Deviled Crab Cake呢道crab cake，一上枱就比佢嘅放碟方式吸引左，我本来以为佢会好似 fish cake咁炸，点知佢系煎，唔单止保留左蟹嘅鲜味，亦令到果cake唔会好干身，岩岩好。再可以配上三种source食，推介！
Piccante pita pizza一向认为pizza有少少辣先好味，而呢个就正正系我中意既味道，一点点辣用作剌激味蕾，pizza唔算好大，岩哂2个人食唔会太饱，辣肉肠+红辣椒+芝士，面头加上少量香草，pizza本身油腻但唔会好滞，边皮烤得有种饼干似的脆身质感，不错！
未来呢间餐厅之前我都唔知香港原来有手工啤酒，见到有紧系要支持下本土制作啦！叫左一杯Amber ale 试下，其实我本身麻麻地啤酒，因为觉得好苦，点知呢个啤酒入口唔会好苦，仲有啲果香，好饮！
员工既服务质素都好高，有礼貌同效率呢d基本野当然有，更可以每道菜食完先上另一道，收野同时问一问对菜色既意见，感觉好好！
张贴
