金鷺湖

营业中

休息中

于大埔港铁站搭大约5分钟的士, 就到了大埔白鹭湖互动中心。环境什有外国渡假风情, 虽然交通唔算方便, 但唔少人都会特登揸车入去食下野, 影下相。近排新开咗间modern港式点心餐厅金鹭湖以木系家俱置于中庭休憩厅, 确实可以系度打下卡。环境优美, 就连食物质素、卖相亦很精美高质, 绝对值得一试!【金鹭湖虾饺】HK$78金色虾饺皮薄柔软, 虾肉馅料超鲜甜弹牙又juicy【流心鹌鹑蛋烧卖】HK$78烧卖外围系鲜甜弹牙虾胶, 包住软滑流心鹌鹑蛋, 鲜甜又有蛋香味, 好味!【田园萝卜丝酥】HK$78有如小萝卜一样, 伴以曲奇饼碎为仿混土做陪衬, 卖相趣致, 外层松化, 入面萝卜丝味道清甜。【黑松露野菌饺】HK$68湖水蓝外皮, 咬一口, 馅料散发著浓郁黑松露味, 层次丰富~【脆脆鲜虾红米肠】HK$78粉红色肠粉包住松脆层, 再包住虾肉馅料, 松脆层依然keep到松化, 虾肉馅鲜味, 双重口感令人满足。【鲍鱼珍菌千层酥】HK$48/件千层酥有淡淡牛油香, 层次不太明显, 鲍鱼下藏住野菌粒, 鲜味又清香。