影片
更多
2009-08-11
13 浏览
11.8.09见系新开, 好奇去左试下拣左$168放题, $138系冇得食刺身入到去个装修同旧个时(红山)都差不多, 冇乜点新鲜去到时大约6点几, 入面都唔系坐左好多人野食款式都系一般la....刺身食过三文鱼,吞拿鱼,八爪鱼,"鱼立"鱼,北寄贝三文鱼都几肥, 吞拿鱼都算新算, 颜色好深红八爪鱼都几爽, "鱼立"鱼就唔系好得...有根....寿司好彩唔系叫左好多件, d饭酸到爆手卷叫左软壳蟹, 但系只觉得系成旧粉, 同埋又系d饭好酸天妇罗个皮好厚,好硬同埋好多油......又冇平时食天妇罗个d汁........叫左个芒果蟹子沙律....芒果细粒而且极少...下面d又唔系萝白又唔系青瓜既野超多....系冇味真系顶唔落, 沙律酱都好少, 叫人点食?叫左炸芝士, 又唔讲冇, 吹左几次先讲中段开始多人, 但系d野黎到好慢, 一系又冇叫个d就黎d野食上到乱晒....叫左个d又去左隔离枱....好混乱漏单漏到离晒谱, 同一张纸上既野可以黎d唔黎d盐烧鸡软骨一d都唔咸, 好淡好难食....真系食唔到咸味清酒煮蚬都几大只几干净可惜一d清酒味都食唔出, 又系淡, 同烚蚬差不多枝豆系热上, 我冇食到, 个
见系新开, 好奇去左试下
拣左$168放题, $138系冇得食刺身
入到去个装修同旧个时(红山)都差不多, 冇乜点新鲜
去到时大约6点几, 入面都唔系坐左好多人
野食款式都系一般la....
刺身食过三文鱼,吞拿鱼,八爪鱼,"鱼立"鱼,北寄贝
三文鱼都几肥, 吞拿鱼都算新算, 颜色好深红
八爪鱼都几爽, "鱼立"鱼就唔系好得...有根....
寿司好彩唔系叫左好多件, d饭酸到爆
手卷叫左软壳蟹, 但系只觉得系成旧粉, 同埋又系d饭好酸
天妇罗个皮好厚,好硬同埋好多油......
又冇平时食天妇罗个d汁........
叫左个芒果蟹子沙律....芒果细粒而且极少...
下面d又唔系萝白又唔系青瓜既野超多....系冇味
真系顶唔落, 沙律酱都好少, 叫人点食?
叫左炸芝士, 又唔讲冇, 吹左几次先讲
中段开始多人, 但系d野黎到好慢, 一系又冇叫个d就黎
d野食上到乱晒....叫左个d又去左隔离枱....好混乱
漏单漏到离晒谱, 同一张纸上既野可以黎d唔黎d
盐烧鸡软骨一d都唔咸, 好淡好难食....真系食唔到咸味
清酒煮蚬都几大只几干净
可惜一d清酒味都食唔出, 又系淡, 同烚蚬差不多
枝豆系热上, 我冇食到, 个样系青绿色
a款放题送左个鲍鱼...size ok大的
但系系冇叉既环境下真系好难整个壳出黎...食得好艰难
d侍应系旁边睇住你整, 又唔出声话拎叉比你.....咩事
整完一番当然系对眼下既鲍鱼有所期待.....
但食落系冻的.....但原只鲍鱼冻食感觉好怪
加上个味, 酒味得黎又甜甜地....完全系怪味....浪费左只鲍鱼....
个人会钟意热食鲍鱼多dd....
炸银雪鱼柳个样似吉列猪扒......咬入去薄过一张纸....完全食唔到银雪鱼味
吉列炸蚝....硬到石头咁....咬落去阵味仲好似臭左咁, 个皮又系好厚
蟹肉忌廉薯饼, 同味千个种一样味, 但都系炸得硬左d
盐烧鲜冬菇串, 呢样最离谱....好似食碳咁
个菇㶶到冇晒汁....黑晒, 真系有㶶味tim
汁烧和牛串, 正常人都以为系一串牛肉吧...
但佢只系得两粒....中间系车厘茄同埋d青椒.......
呢度服务唔系唔好, 只系收碟太密, 有d烦
d野都未食晒d侍应已经好似急不及待想收碟
明明个碟系乜都冇, 点解仲问我要唔要??
我都明系礼貌上问, 但一晚食咁多碟野, 次次问就真系烦左少少了
最奇怪系, 我地明明未食完, 亦都冇叫执枱
但个侍应就埋黎收晒枱上既野.....莫名奇妙
我同佢讲话d野未黎齐, 佢话佢知, 但想收一收d野
我心谂: 都唔系食得好污糟, 会唔会太浪费左d呀??
收野真系咁重要??唔可以系适当d时候收碟咩??
唔通嫌d"荐枱纸"同木筷子太多咩......
收左d碟就咁摆系近厕所既条通道
条通道就窄上加窄....而且感觉成地都系好污糟....
每位送甜品, 传单上写既都有成十样
但问佢拎时就只系得绿茶雪糕一样....
都几失望..... 两人埋单$370....应该都冇下次了
张贴