Eiffel Bistro (已結業)

在太古想揾一间高级一些的食肆庆祝生日，睇到呢间食肆既食物相片几吸引，于是就去试菜。法式洋葱汤好咸，我已算是食浓味的人，我都觉得偏咸了，而且洋葱味不足，不是很好饮。蕃茄薯仔汤，朋友饮的，他形容味道不过不失。沙律酱汁算几惹味，这个可以合格。龙虾汁太稀了，根本食唔到系龙虾味，扁意粉煮得刚刚好，有口感。慢煮猪扒，应该唔会过火，但我食到肉质鞋鞋地，又唔系话成块都鞋既，有些部位鞋啰！薯角煎得几香口、唔错。朱古力心太软，切开朱古力冇流出来，差少少，大致上味道都合格。我食既系set dinner，但因为唔食牛既关系，同店员商量了，可否转猪扒，达成后补多$10，值得一赞店员懂得随时应变去满足客人需求这才是优秀的服务。虽然食物味道不算很好，但这餐饭我亦满心欢喜了。这间食肆识得睇客人进食程度黎上菜，我觉得好贴心，上菜是十分正规，面包、餐汤、沙津、主菜、甜品，次序完全冇错，所以我都比佢「高级」两个字。我去一些高级食肆，唔平的，佢地煮好乜，就上乜比客人食，沙律可以上完主菜后先至黎，将全部既野堆埋一齐黎，搅到成张枱都系食物，亦都冻晒，简直就系不知所谓，除非系食物特别好食，否则呢D食肆我都唔会有回头。