荷蘭糖水 (已結業)

今日系元宵佳节，梗系要同大少食汤圆啦。响坚尼地城食完饭，一路慢慢散步路去荷兰街食荷兰糖水。我要大少一定要食汤圆，所以大少叫咗合桃露汤圆，而我就叫咗椰王汤圆加清心丸。个合桃露应该真系自己磨，唔似系开粉，但系就真系甜咗啲。我个炖椰王，除咗有新鲜椰肉，仲有海底椰，仲加埋清心丸同埋汤圆，真系好丰富。我个炖椰王都好甜，清心丸就好烟韧，个海底椰都炖到林晒。其实佢啲食品都算真材实料，只不过真系甜咗啲，如果个糖份调减少少，就会更加好。