影片
更多
2019-05-12
1690 浏览
虽然不时都有落茶记食嘢，但就唔喺次次都有写食评，一来都喺星期六落番美孚嘅茶记食早餐，都已经写过，二来就可能无乜嘢好写，就懒得写。最近，就短期内去咗3间茶记，分别喺美孚「南记冰室」、荔枝角「饭意冰室」，以及今次分享唔喺开晌元朗，而开喺旺角嘅「元朗冰室」。之前都提及过，依家间间茶记都改为以冰室挂帅，但就无玩怀旧装修，只喺得个名，而「元朗冰室」更以厚猪扒专门店自居。旺角区租金贵，可谓吋金呎土，枱櫈排得密麻麻都预咗，幸而楼底高，感觉唔会太局促。餐牌插晒晌枱上，最抵嘅喺精选午餐，一共12款，包一杯餐饮，定价为$47-$56，旺角区嚟讲，唔算贵啦。但讲到喺餐厅嘅卖点，当然喺厚猪扒系列啦，有配饭、配乌冬、配沙律，定价$46-$62，都算喺晌合理嘅范围。既然厚猪喺佢哋招牌，我哋主打会点呢样。此外，仲有款特餐、全日早餐嘅系列，卖$45、$49、$59，可能喺大堆头制作，见有唔少客人叫。剩番一类叫拉面之选，虽然比起拉面店平一大截，但我心谂，想食拉面嘅人大多数会去拉面店，而嚟得茶记就想食啲港式嘢。厚猪扒配司华力肠饭 $52呢度啲餐碟宁舍巨型，挜咗半张枱，就算块猪扒够大块，整体睇起上嚟都唔多好睇。然而，讲到「
之前都提及过，依家间间茶记都改为以冰室挂帅，但就无玩怀旧装修，只喺得个名，而「元朗冰室」更以厚猪扒专门店自居。旺角区租金贵，可谓吋金呎土，枱櫈排得密麻麻都预咗，幸而楼底高，感觉唔会太局促。
餐牌插晒晌枱上，最抵嘅喺精选午餐，一共12款，包一杯餐饮，定价为$47-$56，旺角区嚟讲，唔算贵啦。
但讲到喺餐厅嘅卖点，当然喺厚猪扒系列啦，有配饭、配乌冬、配沙律，定价$46-$62，都算喺晌合理嘅范围。既然厚猪喺佢哋招牌，我哋主打会点呢样。
此外，仲有款特餐、全日早餐嘅系列，卖$45、$49、$59，可能喺大堆头制作，见有唔少客人叫。
剩番一类叫拉面之选，虽然比起拉面店平一大截，但我心谂，想食拉面嘅人大多数会去拉面店，而嚟得茶记就想食啲港式嘢。
厚猪扒配司华力肠饭 $52呢度啲餐碟宁舍巨型，挜咗半张枱，就算块猪扒够大块，整体睇起上嚟都唔多好睇。然而，讲到「厚猪」就不敢苟同，对比起「大家乐」嘅一哥焗猪，𠮶啲先称得上厚猪啦，点睇都只喺普通厚度，真喺原形毕露。虽然炸得甘香，入口松化，但有啲油腻；司华力肠亦只得半条，俾人有种小家嘅感觉，酱汁只有甜豉油一款，无得拣。
厚猪扒配莲藕饼饭 $52老友就点咗配莲藕饼，都只喺细细哋两件，无话好唔好食嘅，只喺觉得未够脆口，食落亦喺好油。
驰名厚猪扒全日早餐 $59另一位朋友见呢个全日早餐好强势，点都要试一试。整份早餐包括驰名厚猪扒、茄汁豆、欧陆肠、火腿嫩滑炒蛋、牛角酥、田园沙律，卖相就认真几得，但食味就普普通通咁，茄汁豆、欧陆肠喺冻嘅，牛角酥无牛油香，火腿感觉喺平价货色，唯独猪扒做得香口松化。
热奶茶用上黑白奶嘅茶杯，唔晒多讲，都梗喺用黑白奶嚟冲调港式奶茶，茶底馥郁，茶味醇厚，但柔滑度普通而已。不过，奶茶我都喺钟意呢一类厚身有耳瓦杯。
食物上，我碟「厚猪」有负专门店之名，另外，亦想讲讲佢哋啲服务，事缘其实我哋一行6人，攞咗飞仔乖乖晌门口等位，但一个号码过完又一个（喺指过咗我哋个号码），二人枱、四人枱都嗌咗6、7张，我哋问门口个姐仔，过咗咁多张都未有我哋？佢话好难同时有枱拍到俾我哋，但睇在眼里，佢根本就无心安排（有心嘅，安排4个坐住先，再等多阵拍张2人枱就搞掂，茶记客一般都快上快落），因为门口等位人多唔忧做，结果，费事等，叫佢「嗱嗱淋」安排两张四人枱俾我哋就算。老老实实，无下次啰！
张贴
