一寿司 (已結業)

元旦晚上响旺角，经过雅兰，谂住食几件寿司医肚。结果稍一不慎入左一寿司。记得10年前初试黑夜寿司，好有惊喜。今晚8点半左右一到，见居然唔驶排队，就满心欢喜试下。原来宜家黑夜寿司由6点开始……一入内见大把位，可惜大位都要你搭台。点了最贵价的寿司: 吞拿鱼腩，鹅肝，大帆立贝。炸蚝。蟹脚。等了又等，等左20分钟，同我地同时间落order既邻台已经埋单，但我地一碟都未到。最后决定取消order彻退，点知个supervisor 即刻走黎话仲有order。话火炙寿司要炙所以要好耐，吞拿鱼寿司要切所以要等。呢啲系咩理由!?我谂佢漏单。但结果佢唔驶一分钟由厨房拎埋啲寿司出黎。唔通佢地整定晒?一食件火炙，少少微温都冇。9成肯定系整定……或者你会话:有半价唔好奢望咁多食物质素。ok。咁至少我有俾加一，漏单迟上都会讲句sorry。俾钱时都会讲句多谢卦?食物质素一般，0服务，又唔系特别平。结论系绝对唔值得去+等执。