住家菜 (已搬遷) 新店位置

元旦日一家人围枱食饭，食D简简单单嘅家常小菜。一谂起"家常小菜"就想起去呢度...小菜每碟只系平均四五十大洋。叫个十碟八碟，都只系五嚿几六嚿水，实在便宜得发笑...叫到一枱都系--- 阿嫲鸡及咸鱼茸煎肉饼系上次食过嘅，都保持水准。鸡虽肥咗一D，但肉颇滑；煎肉饼薄薄一片，咸咸香香颇惹味，用嚟送酒一流...其他之前未试过嘅𩠌水准有点参差--- 沙律虾球普普通通，虾几爽口，但过浓嘅沙律酱完全盖过虾嘅鲜味，而且作为伴菜嘅生果竟然有提子，感觉系相当奇怪；杂菜煲够足料，虾干大大条，抵食；老虎班蒸得骨肉刚好分离，肉质够滑。$198一条唔算贵嘞；蜜糖猪扒蜜味不足，猪扒有用松肉粉处理，鲜味全无，系相当失色嘅一碟...十碟𩠌再加两煲汤，九百多大洋。响尖东中心地带，去边度揾到咁平?如果有，请相告...