榮來樓

营业中

休息中

今晚入完屯门做嘢谂住揾嘢食，但谂谂下元朗同屯门其实都系好近，但系元朗就好多嘢食，求其揾间都应该好味😋😋😋揸车去到B仔凉粉后面有得泊车，所以就停左系𠮶边，一落车见到两边都系食市，唔系食打冷就系食鸡煲，见到横街里面零零舍舍食小菜嘅，见都几多人食㖞，我同一班朋友就入咗去食啦，侍应安排左我哋坐2楼，一上到2楼其实都爆爆地，坐低洗完碗睇下𠮶menu先，哗！真系好多选择呀，不过听闻哩度食鱼好出名嘅，我地叫左𠮶葱花辣椒蒸大鱼头，姜葱爆鱼云，炸猪手，招牌盐焗鸡，金银蛋浸白菜仔，咸蛋黄炸鲜尤，卤水浸鸡脚，最后再嗌多个口水鸡同埋豉油王炒面！！葱花辣椒蒸大鱼头真系好出色，好入味，其实平时我麻麻地食鱼架，但系呢个蒸大鱼头真系真心出色😜😜！！碟姜葱爆鱼云好有获气，里面有劲多葱段同埋豆腐卜，全部都索哂啲汁，啲人话食鱼云等于食花胶，系咪真㗎，好正呀🤫🤫🤫至于个炸猪手都OK㖞，唔会话炸得好实，都仲好有肉汁呀🤪🤪。招牌盐焗鸡好滑呀，不过就差少少鸡味，个麻辣口水鸡真系见到都要食多两碗饭！个卤水汁鸡脚同样出色，鸡脚充满晒卤水汁同埋应该都浸左好耐，因为啲鸡皮好淋，骨胶原BB😋😋😋唔打唔撞入咗间平民嘅小菜馆，好满足呀🙋🏻‍♀️🙋