影片
更多
2019-05-23
175 浏览
虽然唔系住元朗，不过间中都会入去元朗揾朋友，唔想系yoho 果边食连锁店，就过黎鸡地呢边食下小店。岩晒我啦，最钟意食小店，间中食小店都会揾到啲惊起，今次系呢度就揾到啲好味丼饭。 唔知点解食亲丼饭就好想食有吞拿鱼蓉嘅丼，系呢间食丼饭嘅舖头当然都唔少得，就系美人丼 ($128)，美人丼有嘅就系中拖罗、吞拿鱼他他、吞拿鱼蓉同埋三文鱼，仲口痕想试下定食set (+$18) 再加埋2件柚子八爪鱼寿司($20)。 美人丼上菜啦，卖相好讨好，分量唔算好大，但质素唔错同配菜都排得几靓，而且仲有紫苏叶、紫菜、吞拿鱼蓉上面有葱丝、仲有蛋卷、蟹柳卷同炸金菇，可以睇得出店家嘅用心。 味道食落质素真系唔错，吞拿鱼他他虽然唔系用上靓部份只系赤身黎，但变咗他他加咗黑椒后味道就变得丰富，而我最想食嘅吞拿鱼蓉就有好鱼嘅鱼油味道，入口都唔干唔太烂，另一个好突出嘅系中拖罗，只系得两细件，因为平时食中拖罗系好贵，出面食两件呢个size 嘅刺身都已经系6-80蚊，而我都好钟意食中拖罗，因为无大拖罗咁肥又食到鱼香味，呢两细件中拖罗就岩岩好入口唔系即溶，但又丰富香味又有咬口无筯，呢个价钱食到咁多样野真系几抵食。 至于柚子八爪鱼寿司
唔知点解食亲丼饭就好想食有吞拿鱼蓉嘅丼，系呢间食丼饭嘅舖头当然都唔少得，就系美人丼 ($128)，美人丼有嘅就系中拖罗、吞拿鱼他他、吞拿鱼蓉同埋三文鱼，仲口痕想试下定食set (+$18) 再加埋2件柚子八爪鱼寿司($20)。
美人丼上菜啦，卖相好讨好，分量唔算好大，但质素唔错同配菜都排得几靓，而且仲有紫苏叶、紫菜、吞拿鱼蓉上面有葱丝、仲有蛋卷、蟹柳卷同炸金菇，可以睇得出店家嘅用心。
味道食落质素真系唔错，吞拿鱼他他虽然唔系用上靓部份只系赤身黎，但变咗他他加咗黑椒后味道就变得丰富，而我最想食嘅吞拿鱼蓉就有好鱼嘅鱼油味道，入口都唔干唔太烂，另一个好突出嘅系中拖罗，只系得两细件，因为平时食中拖罗系好贵，出面食两件呢个size 嘅刺身都已经系6-80蚊，而我都好钟意食中拖罗，因为无大拖罗咁肥又食到鱼香味，呢两细件中拖罗就岩岩好入口唔系即溶，但又丰富香味又有咬口无筯，呢个价钱食到咁多样野真系几抵食。
至于柚子八爪鱼寿司相对就失色，寿司饭握得实嘅，但食材八爪鱼质素一般，可能无丼饭咁多人食所以食材相对无咁好。
埋单都系$166，有咁多野食，系好唔错啦，又一间可以再去嘅食肆。
张贴
