芭堤雅泰國餐館

营业中

休息中

🐻芭堤雅开业左咁多年，近排铺头新装修完都无来过食，今日放假行过就入去试下水准有冇保持到先。🐻铺头装修完灯光明亮，枱櫈摆设都相当精美，坐得几舒服，感觉新派左好多。假日晏就都有午市套餐，我哋拣左泰国船河同五香卤水猪手饭，加配左小食黄金虾饼同飞天通菜，再追加左半只无骨海南饭。🐻泰国船河配金边粉，碗船上面满满炸猪皮，睇到都好开胃，汤头浓郁鲜甜，唔会好似坊间咁死甜。金边粉煮得啱啱好，唔会太淋，配料炸猪皮香脆可口，生牛肉大大块肉味浓，食完好满足。🐻小食都无欺场，虾饼金黄弹牙，飞天通菜份量十足，通菜嫩口，香辣惹味🐻五香卤水饭摆盘精美，有如日式定食咁，猪手酱汁另外放开，可以自由调节味道，猪皮煮得好淋，猪肉又入味唔过柴，值得一赞。🐻最后无骨海南鸡绝对系必食之选，鸡皮Q弹，鸡肉滑嫩，鸡肉味相当浓郁，真系食完一旧又一旧，简单直接既好食。